Kaso ng COVID-19 umakyat na sa 187 matapos makapagtala bg 45 bagong kaso

UMAKYAT na sa 187 ang kabuuang kaso ng coronavirus disease (COVID-19) matapos namang makapagtala ng 45 bagong kaso, ayon sa Department of Health (DOH).

Umabot naman sa 12 ang mga nasawi dahil sa COVID-19.

Samantala, isa pang pasyente ng COVID-19 ang nakarekober dahilan para umabot na sa apat ang gumaling.

Isang 31-anyos na Pinoy na lalaki mula sa Negros Oriental ang pinakahuling gumaling.

Kabilang siya sa dalawang repatriate mula sa MV Diamond Princess cruise ship na nakahimpil sa Yokohama, Japan.

Nagpositibo siya sa virus noonv Marso 9. Noong Mikerkules dalawang beses na siyang nagnegatibo sa virus at nakatakdang lumabas na ngayong araw.