Miguel Zubiri
KINUMPIRMA ni Senator Juan Miguel Zubiri na nagpositibo siya sa coronavirus disease (COVID-19)
“To my dear fellow Filipinos, my Kababayans. It is with sadness that i announce that I am positive for Covid 19. “ sabi ni Zubiri.
Nauna nang nagdesisyon si Zubir na mag-self quarantine matapos na ma-exposed sa isang resource person na dumalo sa pagdinig ng Senado, na naunang nagpositibo sa deadly virus.
Sinabi ni Zubir na nagpasuri siya sa COVID-19 noong Biyernes at lumabas ngayong araw ang resulta kung saan kinumpirmang nahawaan siya.
Sinabi ni Zubiri na asymptomatic siya o walang sintomas ng lagnat o pagsama ng pakiramdam.
“Kaya ako lumantad at sinabi ko ang aking kondisyon upang malaman ng taong bayan na positibo kahit wala namang nararamdaman,” dagdag ni Zubiri.
“Importante at huwag lapitan ang iyong pamilya at maging kasambahay. Sa ngayon ay paracetamol at vitamins lamang ang kailangan kung inumin. kaya natin eto at laban lang” ani Zubiri.
“Sa aking mga Kababayans, makinig po tayo sa mga babala nang Gobyerno at wag na po kayo lumabas sa inyong mga tahanan. God bless us all” dagdag pa ng senador.