Bakit kinakarir ngayon ni Julie Anne ang acting workshop?

Sumasailalim ngayon sa acting workshop ang Kapuso singer-actress na si Julie Anne San Jose.

May kinalaman ito sa bago niyang project kung saan muling maipakikita ng dalaga ang husay niya sa pag-arte.

“New ground po kasi siya ulit ngayon, parang first ko ulit siya gagawin after a very, very long hiatus,” saad ni Julie Anne.

Huling lumabas sa morning series na My Guitar Princess ang Asia’s Pop Diva two years ago kaya feeling niya, medyo nakalimutan na niyang umakting at mag-emote sa harap ng mga camera.