XIAN LIM
PANGMAYAMAN na, sound proof pa ang black van ni Kim Chui.
Ito ang dahilan kung bakit hindi narinig ni Kim, pati ng kanyang personal assistant at driver ang mga putok habang pinagbababaril sila ng riding-in-tandem kamakalawa ng umaga sa Quezon City.
Bahay na nga ni Chinita Princess ang kanyang van. Nang ipakita ang loob ng sasakyan sa ilang news reports, may kama rin ito dahil doon na natutulog ang dalaga kapag mahaba ang biyahe patungo sa taping o shooting.
Nagpaabot naman ng pasasalamat si Xian Lim, boyfriend ni Kim, sa kanyang Instagram sa mga dasal at concern ng kanilang mga kaibigan at supporters sa nangyari sa dalaga at sa dalawa pa nitong kasama.
“Thank you to everyone who expressed their prayers and concern. We can never explain why these horrible things happen. Thankfully there are no casualties. Thank you God for always being by our side,” mensahe ni Xian.