Piolo nagdiwang ng kaarawan habang sumasabog ang Taal: B-day wish ko ang kaligtasan ng lahat | Bandera

Piolo nagdiwang ng kaarawan habang sumasabog ang Taal: B-day wish ko ang kaligtasan ng lahat

Ervin Santiago |January 13,2020
facebook
share this

Piolo nagdiwang ng kaarawan habang sumasabog ang Taal: B-day wish ko ang kaligtasan ng lahat

Ervin Santiago - January 13, 2020 - 07:28 PM

SUMABAY sa ika-43 kaarawan ng Kapamilya actor na si Piolo Pascual ang pagputok ng Taal Volcano kahapon, Jan. 12.

Kaya naman ang kaligtasan ng sambayanang Pinoy ang birthday wish ni Piolo habang patuloy ang pag-aalburoto ng Bulkang Taal.

Sa resthouse niya sa Mabini, Batangas nagdiwang ng kanyang birthday ang award-winning actor.

Sa kanyang Facebook account, ipinost ng binata ang kanyang litrato habang nakasakay sa isang speedboat. Nakatalikod ang aktor habang nakatanaw sa makapal na usok na ibinuga ng Taal Volcano.

Mensahe ni Papa P, “My birthday wish right now is for everyone to be safe… [praying hands emoji].”

Bukod dito, nag-post din si Piolo sa YouTube ng isang video na kuha sa kanyang birthday celebration na may titulong, “My Birthday Salubong.”

Nakataas pa rin sa Level 4 ang alert status kaugnay ng pagsabog ng bulkan, ibig sabihin sobrang mapanganib na ang paligid ng Bulkang Taal at ang mga kalapit lugar nito.

Bukod kay Piolo, nag-alay din ng dasal ang iba pang artista para sa kaligtasan ng bawat isa sa gitna ng kalamidad, lalo na ang mga direktang apektado ng pagsabog ng Taal Volcano.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending