BARBIE FORTEZA AT DENNIS TRILLO
Buwenas ang simula ng taon kay Barbie Forteza dahil makakatrabaho niya uli ang kanyang long time crush na si Dennis Triillo.
Mangyayari yan ngayong gabi sa weekly fantasy series ng GMA 7 na Daig Kayo Ng Lola Ko.
Open book naman ang paghanga ni Barbie kay Dennis. Kahit noong hindi pa niya boyfriend ang Pambansang Abs na si Jak Roberto ay palagi na niyang sinasabi na ultimate crush niya si Dennis.
Kaya nga dream come true na naman para sa Kapuso Drama Princess ang makasama muli sa isang project ang boyfriend ni Jennylyn Mercado.
Magbabalik din sa child-friendly Kapuso show ang host ng programa na si Tita Gloria Romero matapos magpahinga ng ilang buwan dahil sa iniindang vertigo.
Kaya naman sa lahat ng mga manonood na naka-miss kay Tita Glo, muli siyang magbabahagi ng isa na namang kuwento na siguradong magugustuhan at kapupulutan ng aral ng mga bata pati na rin ng matatanda.
Going back to Dennis, hindi lang sa Daig Kayo Ng Lola Ko mapapanood ang Kapuso Drama King this Sunday dahil makikipagkulitan din siya kina Boobay at Super Tekla sa The Boobay And Tekla Show tonight.
Sa tanghali naman, pangungunahan ng tandem nina Boobay at Tekla ang pagsisimula ng bagong Sunday show ng GMA na All Out Sundays kung saan totodo na ang network sa musikomedya show kada Linggo!