MAINE MENDOZA AT ATE GAY
NAPABUNGISNGIS ng stand-up comedian na si Ate Gay ang Phenomenal Star na si Maine Mendoza dahil sa ipinost nitong video sa Twitter nitong nakaraang araw.
Emote-emote si Ate Gay habang nagsasayaw ng “Tala” challenge na may kasama pang twerking at landi-landi ala-Sarah Geronimo, huh!
“Patawarin nyo po ako! Hahahaha!” caption ni Ate Gay sa kanyang “Tala” video na viral na ngayon.
“Hahahahaha! Sobrang benta, Ate Gay! Nakakabuo ng araw!” comment ni Maine matapos itong mapanood.
“Thank you…I love my job..napasaya ko ang isang Maine Mendoza yeheyyyyy!” ang tuwang-tuwang reply naman ni Ate Gay kay Meng.
Siyempre, very proud ang gay comedian dahil isang Dubsmash Queen ang napaligaya niya sa kanyang video. At siguradong dadami pa ang makakapanood nito dahil sa comment ni Maine.
Samantala, ibinalita naman ni Meng sa kanyang social media accounts na ipalalabas na rin sa USA mula Jan. 3 hanggang Jan. 9 ang 2019 MMFF entry nila ni Bossing Vic Sotto na “Mission Unstapabol: The Dong Identity.”
Showing pa rin ito sa mga sinehan sa buong Pilipinas hanggang Jan. 7 bilang bahagi nga ng MMFF 2019 at siguradong mae-extend pa ito dahil hindi pa rin nalalaglag sa Top 5 ang entry nina Bossing at Meng.