MICHAEL V
Self-confessed fan si Michael V ng sikat na anine series na Voltes V kaya nang ilabas ng Kapuso Network ang teaser nito ay isa si Bitoy sa agad nag-like at share.
Sey ng aktor, “Veeery promising! Excited for this one. Let’s volt t!”
Ilang oras lang ang lumipas matapos ipalabas ang teaser ng live action remake ng Voltes V sa Facebook page ng GMA 7 ay nakakuha na agad ito ng 1.2 million views. Bukod dito, umabot na rin sa kulang-kulang 40,000 shares, 50,000 reactions, at mahigit 7,300 comments ang nasabing video plug.
Live action ang adaptation ng controversial na anime na na-ban noong panahon ng Martial Law. Nagbunyi ang mga Pinoy followers ng nasabing anime nang maibalik ito sa TV.
Anyway, sa ipinakitang teaser, ipinasilip na ang Camp Big Falcon at ang leader ng mga kalaban na si Prince Zardoz, pero nakatalikod pa ito sa video.
Jackpot ang mga mapipiling artista na magiging bahagi ng Voltes V Legacy dahil siguradong magiging history sa TV ang live action series na ito.
Kung kayo ang papipiliin dear BANDERA readers, sinu-sino ang gusto n’yong bumida sa Pinoy version ng Voltes V?