IDINAAN sa social media ng mga dismayadong residente at business operator ang pagbatikos sa hindi nakokolektang basura sa mga kalsada sa harap naman ng punong-puno na mga hotel at resorts sa Boracay.
“Outrageous. Where are the government officials and agencies for the past week? Garbage collection cannot afford a vacation,” sabi ng isang residente.
Sinabi ng isang residente at business operator na sinimulan lamang ang pagkolekta ng basura, isang linggo matapos na tumama ang bagyong Ursula.
Base sa Boracay Action Plan ng gobyerno, aabot sa 67 toneladang basura ang naiipon kada araw.
Pumila ang mga residente sa mga automated teller machines ng mga gasoline station matapos namang magkaroon ng kakulangan sa suplay ng diesel na ginagamit sa power generator sets.
Sinabi ni acting Malay Mayor Floribar Bautista na inalis na ang paghihigpit sa pagbibiyahe ng produktong petrolyo sa isla para matugunan ang kakulangan.
“The LGU of Malay (has) coordinated with different haulers in the municipality to augment the hauling of wastes and debris left by the typhoon. Also, we have coordinated with capable establishments in the municipality to assist us as part of their social responsibility,” sabi ng pahayag ng lokal na pamahalaan.
“We are still reminding everyone that burning of garbage/debris is prohibited by law,” ayon pa sa pahayag.