NASAWI ang di pa kilalang lalaki matapos umanong silaban ang kanyang sarili sa isang mataong lugar sa Cagayan de Oro City, Sabado ng hapon, ayon sa pulisya.
Naganap ang insidente sa rotonda ng Brgy. Macasandig dakong alas-2, sabi ni Maj. Ericson Sabanal, commander ng City Police Station 9.
Inihayag sa pulisya ng isang 35-anyos na saksi na nakita niya nang ang lalaki’y magbuhos ng likido at biglang sinindihan ang sarili, sabi ni Sabanal sa mga reporter.
Dinala muna ang mga labi ng nasawi sa isang punerarya sa Bulua habang nag-iimbestiga ang lokal na pulisya.
Isasailalim ito sa DNA test para makilala ang nasawi, ani Sabanal.
MOST READ
LATEST STORIES