Sexy photo ni Juday pinusuan ng madlang pipol; Pinoy celebs napa-wow!
Napa-wow ang madlang pipol at pinusuan ng sandamakmak na netizens ang sexy photo sa Instagram ni Judy Ann Santos. At hindi lang ang kanyang mga followers ang pumuri sa kaseksihan ni Juday kundi pati na rin ang mga kapwa niya celebrities.
Mismong ang asawa ni Juday na si Ryan Agoncillo ang kumuha at nag-post ng picture ng aktres sa kanyang Instagram account na may caption na, “Baby’s got blue skies up ahead.”
Narito ang ilang reaksyon ng mga kaibigan ni Juday sa showbiz nang bumandera ang kanyang pa-legs pose.
“Wowwww!” komento ni Paolo Ballesteros.
“@RyanAgoncillo Aba, aba, aba! Mukhang mainit ang Pasko nyo ha!” sey naman ni Michael V.
“Hang sexy sis [Judy Ann]! Parang magkakaron kasunod si Luna,” comment ni Gladys Reyes na ang tinutukoy ay ang bunsong anak nina Juday at Ryan.
“Hot!!!!!” sey naman ni Bea.
Ayon naman kay Ogie Alcasid, “Honeymoon!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.