Karla kinilig nang makita ang bf na may dalang litsong baboy

KITANG-KITA sa aura ni Karla Estrada ang sobrang kaligayahan ngayong naipakilala na niya sa madlang pipol ang kanyang bagong boyfriend.

Kilig na kilig ang nanay ni Daniel Padilla nang sorpresahin siya ng dyowa sa kanyang birthday celebration sa Magandang Buhay last Monday.

Ayon kay Karla, bukod sa kanyang kalusugan ang isa pa sa birthday wish niya ay mapangalagaan naman ang present lovelife, “I think it’s time for me na alagaan na talaga ‘yung health ko, ‘yung heart ko,” ani Karla na kilig na kilig sa panunukso ng kanyang co-hosts na nina Melai Cantiveros at Jolina Magdangal.

Kumusta naman ang relasyon nila ng kanyang boyfriend, tanong sa kanya ng mga kaibigan, “So healthy, so sweet, very happy!” ani Karla na kitang-kita ang reaksyon nang makita ang boyfriend na may dala-dalang litsong baboy para sa kanyang birthday episode sa Magandang Buhay.

Hirit pa niya, “Pero parang gusto ko ‘yung nagdala nito kaysa rito (sa litson)!”

q q q
Pinayagan ng GMA 7 si Lovi Poe na gumawa ng project sa ABS-CBN. Matapos mag-guest sa ilang show ng Kapamilya Network, gagawa na rin ang Kapuso actress ng original movie para sa streaming service ng ABS na iWant.

Makakasama ni Lovi rito si Zanjoe Marudo under the production of Dreamscape Digital. Nag-post na sa kanyang Instagram account ang Dreamscape Entertainment head na si Deo Endrinal ng mga behind-the-scenes photos nina Lovi at Zanjoe na kuha sa Matera, Basilicata, Italy.

Ang iWant movie nina Lovi at Zanjoe ay ididirek ni Connie Macatuno, ang nagdirek din ng “Glorious.”