SIGURADONG ikagugulantang ng mga Kapuso viewers ang mga susunod na kaganapan sa GMA Telebabad series na The Gift na pinagbibidahan ng Asia’s Multimedia Star na si Alden Richards.
Sa teaser kasi ng susunod na episode ng serye, mukhang mas lalo pang titindi ang galit ni Nadia (Jean Garcia) kay Sep (Alden) dahil ang binata ang pagbibintangang nagtangkang magpapatay sa anak niyang si Jared (Martin del Rosario). Bulag na bulag pa rin si Nadia sa mga kasamaan at kasinungalingan ng anak niya, pati na rin ng asawa niyang si Javier (Christian Vasquez).
Ito ang dahilan kung bakit minumura at bina-bash si Martin sa social media. Galit na galit sila kay Jared dahil sa ginagawa nito kay Sep.
Pero kung may good news kayong inaabangan, yan ay ang pagpapatawad ni Sep kina Lola Char (Elizabeth Oropesa) at Nanay Straw (Jo Berry). Sama-sama na nila ngayong haharapin ang bagong pagsubok sa buhay ni Sep.
Patuloy na subaybayan ang The Gift after Beautiful Justice.