VICE GANDA AT ION PEREZ
ALIW ang guesting ni Maricel Soriano sa Gandang Gabi, Vice last Sunday. Nagpasaring kasi siya kay Vice Ganda about Ion Perez.
“Pero bakit ganoon. Puro balita ang naririnig ko?” say ni Maricel.
“Ang totoo, kanina pa niya ako kinukulit. Meron yatang ikaw na hindi nasasabi sa kanya. Nagtatampo siya kasi nanay mo siya pero hindi pa niya alam,” say ni Meryll Soriano na kasama ni Maricel sa show.
“Parang ako ang last to know,” say ni Maricel.
“Hindi ka last to know. You’re always the first to feel because you are the mother. Pero last to confirm.
Hindi ba ‘yung mga nanay, una ninyong nararamdaman pero hindi ninyo nako-confirm,” sagot naman ni Vice.
“Sino ba itong Ion na ito? Sino ba ang batang ito? Ay, kinikilig siya, o. Nasaan ngayon si Ion,” tanong ni Maricel.
“Hindi ko alam. Baka nasa gym,” say ni Vice.
“Aba, anak, sa totoo lang, dapat makilala ko ‘yan. Katulad ng tunay mong nanay, kailangang makausap ko ‘yan. Tawagan mo. Ngayon, tawagan mo,” say ni Maricel.
At this juncture, nakabibinging hiyawan ang ginawa ng audience. Talagang kilig na kilig sila. Ang iba pa nga ay nagtayuan at nagsisigaw.
“Nakakaloka ‘yung tawagan. Oh, my God!” tili ni Vice Ganda.
“Kakausapin natin, kakausapin ko,” say ni Maricel.
“Ano ang sasabihin mo?” tanong ni Vice Ganda.
“Tatanungin ko kung ano ang intention niya sa iyo,” sagot ni Maricel.
Napilitang mag-dial si Vice. “Hello. May gusto raw kumausap sa iyo. Nasaan ka ba?”
“Sa puso mo,” sagot ni Ion. Later on, sabi niya, “Nasa bahay ako.”
“Naku, chappy. Tatawagan na lang kita mamaya,” say ni Vice Ganda.
“Sige babe,” sagot ni Ion. With that, nagtilian ang audience, isang nakabibinging tilian ang kanilang sagot, halatang kilig na kilig sa pagtawag ni Ion ng babe kay Vice.