ITINANGGI ni Presidential Spokesperson at Chief Presidential Legal Counsel Salvador Panelo na napagalitan siya ni Pangulong Duterte matapos namang ihayag ang tatlong-araw na leave ng presidente, bagamat binawi makalipas ang ilang oras.
“Hindi. Never,” sabi ni Panelo sa isang briefing,
Idinagdag ni Panelo na espekulasyon lamang sa kanyang parte nang sabihing magpapahinga si Duterte ng tatlong araw.
“Hindi ba sabi ko ‘baka’ so I was just speculating. Hindi, siguro mayroon but the problem is… the problem is the President is his own man. He determines when he is in good shape or not. Hindi ba tayo naman talagang mas marunong sa katawan, alam natin kung kaya natin o hindi,” paliwanag pa ni Panelo.
Nauna nang sinabi ni Panelo na magbabakasyon si Duterte ng tatlong araw simula sana ngayong araw, bagamat binawi ito at kinlaro na magtatrabaho pa rin ang Pangulo habang nasa Davao.
“Yes! In fact nagtatrabaho na ngayon eh,” ayon pa kay Panelo.
“Sa bahay muna siya. Madami siyang backlog ‘di ba? Madami siyang paper work, madami siyang babasahin.”