Bagyong Ramon mananalasa

NAGING bagyo na ang low pressure area na binabantayan ng Philippine Atmospheric Geophysical and Astronomical Services Administration.

Tinawag na Ramon ang bagyo na magdadala umano ng pag-ulan sa Bicol Region, Samar Provinces, Romblon, Marinduque at katimugang bahagi ng Quezon.

Ang bagyo ay nasa layong 835 kilometro sa silangan-timog silangan ng Virac, Catanduanes o 685 kilometro sa silangan ng Borongan City, Eastern Samar.

Umuusad ito ng 10 kilometro bawat oras pa-kanluran.

May hangin ito na umaabot sa 55 kilometro ang bilis bawat oras at pagbugsong 70 kilometro bawat oras.