Halloween costume ni Maine agaw-eksena, pero tanong ng fans: Sino’ng ginagaya niya?

SUPER throwback ang paandar na Halloween costume ni Maine Mendoza sa dinaluhang event nitong nakaraang araw.

Nagtanungan nga ang ilang netizens kung sino ba si Selena Quintanilla. Ang pangalang ito kasi ang inilagay ni Meng sa kanyang Instagram photo.

Sa mga nabasa naming comments, si Selena ay late American designer at singer. Kaya naman kumikinang ang maningning niyang suot na sexy jumpsuit. Pero ang talagang nakaw- eksena ay ang nagmumura niyang bangs, huh!

Siyempre pa, bentang-benta sa fans ni Meng ang outfit niya kahit hindi ito ‘yung tradisyunal na Halloween costume na ang hangad ay manakot.

Knows mo ba si Selena Quintanilla, ES? Ay, si Selena Gomez pala ang inabot mo! He-hehehe! (Ha-hahahaha! Korak ka diyan JN!- Ed)