LAGPAS tenga ang ngiti ng Kapuso actress na si Barbie Forteza dahil isa na namang achievement ang na-unlock niya bilang isang vlogger.
Sa Instagram post niya, ipinagmalaki ni Barbie ang nakuhang Silver Play Button mula sa YouTube.
Palatandaan ito na lumagpas na ng 100K ang kanyang subscribers. Sa ngayon, mayroon na siyang mahigit 500K na viewers.
Pangako naman ng aktres mas sisipagan pa niya ang pag-upload ng vlogs para sa mga fans na gustong maging updated about her, “I dedicate this to all of my subscribers! I will try my best to be more active in uploading my vlogs and to create a more sensible content. Thank you all so much!”
Patuloy na napapanood si Barbie kasama si Jak Roberto sa kanilang Wagas episode na pinamagatang ‘Wait Lang, is this Love’ tuwing umaga bago mag-Eat Bulaga sa GMA.