Palasyo nagpaliwanag sa pagsusuot ni Duterte ng air purifier

KAPANSIN-PANSIN ang pagsusuot ni Pangulong Duterte ng air purifier habang tinatanggap si Indian President Ram Nath Kovind na nasa bansa para sa kanyang State Visit.

Sinabi ni Presidential Spokesperson at Chief Presidential Legal Counsel Salvador Panelo na layunin ng pagsusuot ni Duterte ng air purifier na hindi siya mahawa ng ubo’t sipon.

“That is an air purifier, para he will be protected from persons within his proximity who have coughs and colds,” sabi ni Panelo.

Unang nakitang nakasuot si Duterte ng air purifier sa pulong ng Gabinete noong Biyernes.

Ayon sa Palasyo na ito’y para protektahan si Duterte sa kanyang pakikihalubilo sa iba’t ibang tao.