Ang eksena nang magkita sina Pangulong Duterte at Gretchen Barretto sa burol ng kanyang ama
MAKALIPAS ang mahigit anim na taon, muling nagkita at nagyakap ang mag-inang Gretchen Barretto at Inday Barretto.
Naganap ang madamdaming pagtatagpo ng mag-ina sa burol ng tatay nina Gretchen, Claudine at Marjorie na si Miguel Barretto sa Heritage Memorial Park, Taguig City. Pumanaw ang kanilang ama nitong Lunes, Oct. 14.
Sa kanyang Instagram account, ibinahagi ni Claudine ang video ng pagdalaw ng kanyang ate sa burol ng kanilang ama. Makikita sa video na sabay napatayo si Mommy Inday at si Pangulong Rodrigo Duterte nang makita si Gretchen.
“And then, we are complete. [Gretchen], I’m so proud of u. I admire & luv u more today. #DoubleInfinity #ThatsmyAte. WELCOME HOME,” caption ni Claudine sa video.
Unang lumapit ang aktres sa Pangulo at nakipag-kamay at saka nilapitan ang kanyang ina sabay yakap na tumagal din ng ilang segundo. Makikita rin sa video si Marjorie na nasa bandang gilid ng chapel habang kausap ang iba pang bisita sa burol.
Hindi ipinakita sa video kung nagkaayos na rin sina Gretchen at Marjorie pero totoo kaya ang chika na muntik na raw magkaroon ng confrontation scene sa pagitan ng dalawa?
Kung matatandaan, noong 2013 ay nakaaway ni Gretchen ang kanyang mga magulang, pati na sina Claudien at Marjorie. Tinawag pa nga ni Mommy Inday si Gretchen ng “liar” at “evil”. Bilang ganti, tinawag namang “sinungaling” at “abusive” ang kanyang ina.