MAINE MENDOZA
BINIGYANG-LINAW ni Maine Mendoza sa kanyang Twitter account ang karaniwang misconception ng publiko tungkol sa mga taong bingi o deaf.
Ibinahagi niya sa kanyang followers ang tamang tawag sa mga taong may kapansasanan sa pagdinig.
“DEAF PEOPLE HAVE VOICES but many prefer to sign (using FSL: Filipino Sign Language) because it is their first language and their right. The term deaf mute is not right dahil HINDI PO SILA PIPI,” bahagi ng tweet ni Meng.
Ayon sa ipinost niyang deaf-friendly terms, maling tawagin na deaf-and-dumb, deaf-mute, pipi at hearing-impaired ang taong may kapansanan sa pandinig.
Tama raw gamitin ang mga term na deaf at hard of hearing.
Ang paliwanag ng Dubsmash Queen tungkol dito ay may kinalaman sa kanyang character sa movie nila ni Carlo Aquino na “Isa Pa With Feelings.” May konek din ito sa role ni Carlo na isa ring PWD.
Samantala, nahalukay naman ni Maine ang isa niyang tweet kaugnay ng pagkakilig niya kay Jake Cuenca siyam na taon na ang nakararaan.
“Jake Cuenca is making me so kilig,” tweet ng Phenomenal Star noong Jan. 4, 2010.
Eh, magkasama ngayon sa pelikulang “Mission Unstopabol” sina Manine at Jake at sa Twitter ay ipinost nga niya ang litrato nila ng aktor.
“Hindi ko din alam kung ano meron 9 years ago pero nakakatuwa lang isipin na makadaupang-palad ko siya ngayon.
“Abangan niyo nalang kami sa Mission Unstapabol sa December 25! #earlypromotion char,” mensahe pa ni Meng.