CARLO AQUINO AT MAINE MENDOZA
MAAGA ang Twitter party kahapon ng mga loyal fans ni Maine Mendoza.
Kasi naman, ‘yung matagal na nilang inaabangang full trailer ng movie ni Meng with Carlo Aquino titled “Isa Pa With Feelings” ay kagabi pala ang launching, huh!
Siyempre pa, trending agad ang hashtag na gamit nilang #IPWFTrailerTONIGHT na as of this writing ay may 60.3K tweets na.
Naku, kung ‘yung teaser ng movie nina Maine at Carlo ay milyones agad ang hinamig na views sa loob lang ng 24 hours, ano pa kaya itong full trailer?
Nagbabala lang ang ilang fans sa mga netizens sa paggamit ng tamang hashtag para hindi nga naman masayang ang kanilang tweets.
Ngayong malapit nang ipalabas ang Carlo-Maine movie, mababawasan na ang paglalagare ng Phenomenal Star sa iba pa niyang commitments.
Bukod kasi sa “Isa Pa With Feelings” tinatapos din ng Dubsmash Queen ang 2019 Metro Manila Film Festival entry nila ni Bossing Vic Sotto, bukod pa sa noontime show nilang Eat Bulaga at weekly sitcom na Daddy’s Gurl.