NAKURYENTE o ibig sabihin ay pumalpak sa kanyang pasabog na isyu ang isang mambabatas.
Ang resulta…kaliwa’t kanang batikos ang inaabot niya ngayon sa mga kapwa legislator dahil sa kanyang maling akusasyon.
Sinabi ng ating cricket na isa ring mambabatas na naghahanda na sa taong 2022 ang ating bida dahil talagang pangarap niyang maging pangulo ng bansa.
Iyun ang dahilan kaya sa lahat ng mga isyu ay laging nakikisawsaw itong si Mr. Legislator.
Pinakahuli sa kanyang pakulo ay ang expose kuno ay ang pagiging mukhang pera ng mga kapwa niya mambabatas na naglalaway sa ating national budget.
Meron daw siyang mga source at ebidensiyang hawak sa kanyang mga akusasyon.
Pero nang hamunin siya na ilabas ito ay nganga lang ang ating bida.
Sa halos lahat ng isyu ay may reaksyon si Sir pero kapag nahahalungkat ang pagkakasangkot ng anak niya sa smuggling activities sa Customs ay tikom na ang bibig ni Sir.
Dahil sa kanyang pagiging matabil ay hindi tuloy mapigil maghinala ng ilan na mukha ngang totoo ang tsismis na may pagka-barakikay o bading ang ating bida.
Ang mambabatas na mahilig makisawsaw sa mga isyu pero nang hamuning maglabas ng ebidensya ay wala namang maipakita ay si Mr. L…as in Legislator.