Coco sa pag-apir ni Mayor Isko sa Ang Probinsyano: Surprise!

ISKO MORENO

“SURPRISE!” Yan ang sagot ni Coco Martin sa balitang magkakaroon ng special participation si Manila Mayor Isko Moreno sa seryeng Ang Probinsyano.
Matapos kumalat ang balitang may tatlong Hollywood Stars na magge-guest sa Probinsyano, si Mayor Isko naman ang inaasahang mapapanood very soon sa serye ng ABS-CBN dahil sa pagkikita ng alkalde at ng Teleserye King.
Ngayon pa lang at excited na ang publiko na mapanood ang alkalde ng Maynila sa Probinsyano pero hanggang ngayon ay wala pang detalye tungkol dito.
Pero sabi nga ni Coco sa isang panayam, “Ay! Idolo ko ‘yun e’ surprise! Kung bakit kami nagkita. Pero ako talaga ang sumadya sa kanya and humingi ako ng appointment, kasi matagal ko na siya nakasama sa isang teleserye and nakipag appointment ako sa kanya and may pinag-usapan kami.”
Nilinaw din ng aktor na walang kinalaman ang meeting nila ni Mayor Isko sa napabalitang remake ng isa pang FPJ classic movie na “Batang Quiapo.”