BIANCA GONZALEZ AT ANTONIO SANCHEZ
HINDI pa nga nareresolba ang kontrobersya tungkol sa transwoman na si Gretchen Diez at sa pagsasabatas ng SOGIE Bill, may bagong issue na namang pinagpipiyestahan ang bayan.
Hati ang saloobin ng taumbayan sa sa balitang pagpapalaya kay dating Calauan, Laguna Mayor Antonio Sanchez.
Convicted sa kasong rape at murder si Sanchez nu’ng 1993 pero matapos ang dalawang dekada ay palalayain na ang dating alkalde dahil sa umano’y good behavior na ipinakita nito habang nasa kulungan.
Hindi lang ang nanay ng biktima na si Eileen Sarmenta ang pumalag sa paglaya ni Sanchez, may ilang senador ding umalma rito at sa mga showbiz celebrities, isa si Bianca Gonzalez sa nagpahayag ng kanyang saloobin about this.
“Mas madami namang ibang deserving ng second chance…yung nagnakaw ng cellphone o delata para may pankain ng pamilya niya…maraming kasong ganun sa kulungan.
“Di hamak na mas deserving sa second chance kumpara sap riven guilty na rapist at killer,” unang tweet ni Bianca.
Kaya naman nanawagan ang TV host na pirmahan ang isang petisyon para mapigil ang paglaya ni ex-Mayor Sanchez na naka-post sa change.org.
Sa petisyon, nakasaad ang Stop The Release of Mayor Antonio Sanchez; Let Him Serve His Seven Life Sentences. Ipinaglalaban din ng mga taong nasa likod ng petisyon ang hustisya para sa mga naging biktima ng dating mayor.
As of this writing, mahigit 18,000 na ang pumirma sa petisyon. Target ng organisasyon na makakuha ng 25,000 signature mula sa publiko.