P102M jackpot walang nakakuha

WALANG nanalo ng P102.8 milyong jackpot prize ng Ultra Lotto 6/58 sa bola Biyernes ng gabi.

Ayon sa Philippine Charity Sweepstakes Office walang tumaya sa winning number combination na 52-50-51-14-37-54.

Nanalo naman ng tig-P147,820 ang pitong mananaya na nakakuha ng limang numero. Tig-P3,720 naman ang 222 mananaya na nakaapat na numero at balik ang P24 taya ng 5,482 mananaya na nakatatlong numero.

Ang Ultra Lotto ay binobola tuwing Martes, Biyernes at Linggo.

Ngayong taon ay apat na beses tinamaan ang jackpot prize ng 6/58. Ang huli ay noong Mayo 12. Nagkakahalaga ng P72.1 milyon ang tinamaan ng isang mananaya