ALDEN RICHARDS AT JO BERRY
Handang-handa na ang GMA Network para sa kanilang mga bagong shows na ipalalabas sa last quarter ng 2019.
After Prima Donnas nina Jillian Ward, Sofia Pablo at Althea Abalan na eere sa Agosto 19 sa Afternoon Prime, isasalang na rin ang bagong series ni Yasmien Kurdi na Beautiful Justice bago matapos ang buwan.
Ready na rin ang balik-tambalan nina Rita Daniela at Ken Chan na One Of The Baes but this time, siguradong ibang-ibang RitKen loveteam na ang bubulaga sa mga manonood.
Of course, kasado na rin ang inaabangang Philippine adaptation n Korean Drama na Descendants of the Sun na pagbibidahan ni Dingdong Dantes. Base sa comments from Kapuso viewers, si Marian Rivera pa rin ang isinisigaw nila para makatambal ni Dong sa DOTS.
Nagsimula na ring mag-taping si Alden Richards para sa The Gift. Bulag ang character niya sa serye at para maisapuso ang role, nakihalubilo si Alden sa mga bulag sa tulong ng non-governmental organization na Resources for the Blind, Inc.
“Mas lalo akong na-excite gawin ‘yung role. Nakaka-move lang being here today experiencing first hand kung ano talaga ‘yung pakiramdam ng mga kapatid nating bulag,” saad ni Alden.