MAINE MENDOZA AT CARLO AQUINO
HUMAMIG din ng kilig mula sa netizens ang pagbandera ng mga picture nina Maine Mendoza at Carlo Aquino kaugnay ng ginagawa nilang movie ngayon, ang “Isa Pa With Feelings.”
Naglabas din ng black and white picture sa Instagram si Carlo kung saan kasama rin niya si Maine, kaya mas lalo pang na-excite ang kanilang mga fans sa first team up nila together sa big screen.
“Nakakakilig. Picture pa lang nananapak na ang chemistry nina Mara at Geli!” sey ni @jhilyn1998.
Hirit ni @vcl_062070, “Akala mo lang wala pero meron! Meron. Meron! Yan talaga ang tumatak sa isip ko yung dialogue mo na yan Caloy.”
“Omyyyyy! Soo exciteddd. I’m sure another movie history na naman ito, parang Meet Me In St. Gallen,” komento ni @itzdaryllagarde.
“Akala n’yo lang walang chemistry sina Carlo at Maine, pero MERON MERON MERON! At humanda na kayo dahil wawasakin nila ang lahat ng record!” pahayag ng isa pang netizen.
October ang balitang target playdate ng movie nina Meng at Carlo kaya naman ngayon pa lang ay abangers na ang kani-kanilang supporters.