Melanie sa pagrampa ni Michelle sa Miss World PH: Baka malagpasan pa niya ako

Naniniwala ang dating beauty queen at aktres na si Melanie Marquez na malakas ang laban ng anak na si Michelle Dee sa Miss World Philippines 2019.

Isa ang Love You Two actress sa 40 kandidatang lalaban para sa 2019 Miss World PH crown. At sa pagsisimula ng kanyang journey sa pageant world, nagpasalamat na agad si Michelle sa lahat ng sumusuporta sa kanya.

Todo naman ang support ng kanyang inang si Melanie na nanalo bilang Miss International noong 1979.

Aniya pa, “Baka malalagpasan pa ho ako ng anak ko. You know I wanted sana lahat ng mga anak ko malagpasan pa ako. ‘Yung mga na-achieve ko, sana ma-achieve rin nila na mas higit pa sa akin,” sabi pa ni Melanie.