GEOFF EIGENMANN AT MAJA SALVADOR
MAS mature at mas palaban sina Geoff Eigenmann at Maja Salvador sa pinakabagong primetime series ng ABS-CBN, ang The Killer Bride.
Ayon kay Geoff, perfect timing ang muli nilang pagtatambal ni Maja sa The Killer Bride kaya agad niyang tinanggap ang proyekto. Aniya, ibang-ibang Geoff naman ang mapapanood ng Kapamilya viewers sa nasabing serye. Todo naman ang pasalamat niya sa ABS-CBN dahil muli siyang binigyan ng napakagandang serye.
“Sobrang nakakataba ng puso kasi I’ve been away for a while and this is my first show now that I’m back.
Tapos napakalaking show pa. Kasama ko pa ‘yung mga napakala-king artista, ang laki ng cast namin. And to be paired with Maja,” ang pahayag ni Geoff sa Magandang Buhay.
“Mas mature na kami ni Maj, mas marami na kaming maibibigay. At kahit hindi kami in real life, matatanggal namin ‘yung cliche na dapat kayo talaga to make the love team work,” aniya pa.
“We are very comfortable with each other, ‘yung mga eksena na ginagawa namin get us to be really close but comfortable kami. At maganda ang reaction ng tao, may chemistry din naman. So I’m very happy about that,” dagdag pa ni Geoff.
Nagkasama noon sa ilang show ng ABS-CBN at sa isang pelikula sina Maja at Geoff. Inamin ng aktor na may pressure sa kanya ang bagong proyekto, “Siyempre may pressure din na to give them an awesome show na panonoorin ng lahat, kasi ngayon trailer pa lang, the making of pa lang, inaaba-ngan na.
Especially after the showing of that, mas lalo na ina-anticipate yung show because of what they saw already.
“We can just leave it to the work we do. Doon sa araw-araw naming ginagawa, an the pressure I guess will leave our shoulders already kapag nalaman na namin yung reaksyon ng mga tao,” lahad ng aktor.
Sey naman ni Maja, mas wild ang The Killer Bride sa huling serye niyang Wildflower, “Ang pinagkaiba niya sa ibang teleserye…kung iyong iba, pinaglalaban ang pagmamahalan, ito, ‘yung taong minamahal mo, ‘yung taong pinagkakatiwalaan mo, hindi mo alam, siya ang puwedeng pumatay sa ‘yo.”
Mapapanood na sa Primetime Bida ang The Killer Bride simula Aug. 12. Makakasama rin dito sina Janella Salvador, Joshua Garcia, Dominic Ochoa, Alexa Ilacad, Eddie Gutierrez, Aurora Sevilla, Lara Quigaman, Ariella Arida, James Blanco, Sam Concepcion, Cris Villanueva, Jobelle Salvador, Loren Burgos, Pamu Pamorada, Malou de Guzman, Pepe Herrera, Eric Nicolas, Keanna Reeves at Neil Coleta. Ito’y sa direksyon ni Dado Lomibao.