Para sa may kaarawan ngayon: Tuloy-tuloy ang suwerte at lalo pang maguumapaw. Kahit na wala ng lottto, tuloy-tuloy ang buenas na darating na may kaugnayan sa pakikipagsapalaran. Sa pag-ibig sa dilim magkukubli ang isang masarap at nakapananabik na romansa. Masuwerte mong talisman ang hugis ng araw na may walong sinag. Mahiwaga mong mantra: “Vai-Kuntha-Vai-Nava.” Blue at yellow ang buenas.
Aries – (Marso 21-April 19)—Now na ang tamang panahon upang paramihin ang salapi. Sa pag-ibig ngayon na ang sandali upang ibigay sa kasuyo ang pinakamasarap na romansa. Masuwerte mong talisman ang anumang uri ng sandata na may talim. Mahiwaga mong mantra: “It’s Now or Never!” Silver at green ang buenas.
Taurus – (April 20-May 20)— Kung gustong yumaman panatiliin ang ugaling materyoso. Sa pag-ibig, praktikal na desisyon ang dapat upang magkaroon ng isang maunlad at maligayang pamilya. Masuwerte mong talisman ang bulaklak ng ilang-ilang o kaya’y ng sampaguita. Mahiwaga mong mantra: “Aum-Mohan-Karan-Om.” Blue at lilac ang buenas.
Gemini – (May 21-June 21)— Ituloy ang balak na paglalakbay. Sa ibayong dagat mas magiging masagana ang buhay ng pamilya. Sa pag-ibig, sa pangingibang bansa matatagpuan ang true love. Masuwerte mong talisman ang maliit na gulong. Mahiwaga mong mantra: “Adonai-Elohim.” Pink at gray ang buenas.
Cancer – (June 22- July 22)—Lagi makisama sa mga Capricorn. Sila ang magpapayaman sa iyo. Sa pag-ibig, sa isang Scorpio ka naman makakasumpong ng isang masarap at maligayang pamilya. Masuwerte mong talisman ang ay ang mga shells na galing sa dagat. Mahiwaga mong mantra: “Rama-Mayabeeja-Om.” Purple at white ang buenas.
Leo – (July 23 – August 22)—Unang araw ngayon ng buwan. Magsuot ng kulay na dilaw, upang suwertehin sa larangan ng pag-ibig at aspetong pang-materyal. Masuwerte mong talisman ang anumang bagay na nagliliwanag. Mahiwaga mong mantra: “Aum-Krisna-Om” Bukod sa yellow ang red ay buenas.
Virgo – (August 23 – September 22)—Upang yumaman umpisahan mo ng gawing produkto ang iyong karunungan at ibenta ito, kaysa sa iba ang makinabang. Sa pag-ibig sure win ang ligaya sa kasuyong Libra. Masuwerte mong talisman ang bola ng jackstones. Mahiwaga mong mantra: “Sol-Dasa-Om.” Silver at blue ang buenas.
Libra – (September 23-October 23)—Mag-relaks upang wag ma-stress! Ang payapang kaisipan ang magbubunga ng wagas na ligaya. Subukang mag-meditate sa umaga bago makihalubilo sa magulong lipunan. Masuwerte mong talisman, ang dalawang maliit na bell na kumikiriring. Mahiwaga mong mantra: “Gosvani-Jiva-Om.” Lilac at white ang buenas.
Scorpio – (October 24 – November 21)—Tularan ang alakdan, lakad ng lakad, – ito ang susi ng tagumpay! Kung malapit lang ang pupuntahan, maglakad ka na lang. At ngayon mo na rin dapat na lakarin ang lahat ng nakabinbing mga papeles at matitiyak ang katuparan. Sa pag-ibig, sa isang mabait at tahimik na Cancer matatagpuan ang true love. Masuwerte mong talisman ang bilog na bahay ng gagamba. Mahiwaga mong mantra: “Aum-Devah-Om.” Red at blue ang buenas.
Sagittarius – (November 22 – December 21)—May mag-aabot ng malaking halaga galing sa ibang bansa. Wag tanggihan, minsan lang siyang dumating. Sa pag-ibig, tuloy ang pakikipag-relasyon sa isang Aries. Masuwerte mong talisman ang pana o kaya’y sibat. Mahiwaga mong mantra: “Jai-Guru-Deva-Om”. Pink at silver ang buenas.
Capricorn – (December 22 – January 19)—Dagdag na sipag pa ang kailangan, malapit ka ng yumaman. Sa pag-ibig, mawawala ang tampo ng kasuyo dahil sa malaking halaga ng salapi na iyong ibibigay. Masuwerte mong talisman ang palayok na kulay itim. Mahiwaga mong mantra: “Gorocha-Chandaya-Om.” Green at purple ang buenas.
Aquarius – (January 20 – February 18)—Sa pag-ibig, kahit hindi masyadong maligaya, mapupuno naman ng pagpapalang pang-materyal ang buhay. Pagsapit ng edad mong 55 pataas mayamg-mayaman ka na. Masuwerte mong talisman ang bubble gum o kaya’y plastic baloon. Mahiwaga mong mantra: “Yama-Dosya-Om.” Yellow at red ang buenas.
Pisces – (February 19 – March 20)—Tandaang sa taong buo ang loob ang ligaya at pagyaman ay lubos. Sa pag-ibig, unahin ang aspetong pangmateryal kaysa sa emosyon kapag mayaman ka na kusa ka na rin namang magiging liligaya. Masuwerte mong talisman ang ngipin ng pating. Mahiwaga mong mantra: “Bhagava-Githa-Om” Green at gold ang buenas.