PHILIP SALVADOR AT RODRIGO DUTERTE
MULING mapapanood sa telebisyon ang isa sa controversial stars nu’ng dekada ‘80 na si Jobelle Salvador. Kasama siya sa cast ng bagong teleserye sa Primetime Bida ng ABS-CBN na pinagbibidahan nina Maja Salvador at Janella Salvador, ang The Killer Bride.
Naging malaking isyu sa showbiz noon ang pagkakaugnay ni Jobelle sa hottest action star during that time na si Robin Padilla. At naging laman ng mga babasahin ang pagkakaroon niya ng anak kay Binoe.
But later on, nilinaw ni Jobelle na inako lang ni Robin ang batang nasa sinapupunan niya that time. “Hindi ko nakakausap si Robin since bumalik ako rito,” pahayag ng aktres nu’ng makausap namin sa grand presscon ng The Killer Bride.
Happy naman si Jobelle na close na close ngayon si Robin sa kanyang tito na si Phillip Salvador nang dahil kay Pangulong Rodrigo Duterte.
Kinuha namin ang reaksyon ni Jobelle sa pinakawalang statement ng kanyang Tito Ipe laban sa mga anti-Duterte.
“Kung anuman po ang pinanggagalingan ni Tito Ipe, the fact that he is very close to the President, you know, hindi ko po siya kinakampihan.
“Wala po akong kinakampihan. Ang sa akin lang, he knows the President more than anybody. Kasi lagi nga po siyang kasama,” say ni Jobelle.
Early this year ay nagkasama raw sila ni Ipe at nabanggit daw nito sa kanya ang mga ginagawa ni Duterte. Hindi na raw natutulog si PDigong dahil sa dami ng kanyang inaasikaso.
“For his age, you know, like everybody around the President is really very worried about the President’s health, kasi nga po hindi na nagpapahinga. Talagang workaholic.
“So, maybe, ‘yung hindi nga kasi nakikita natin, siya nakikita niya. ‘Yung loyalty niya nandoon. If they only knew, siguro nadala na lang siya ng emotion niya out of frustration,” lahad ng aktres.