CHIZ ESCUDERO AT HEART EVANGELISTA
ISA sa mga nasa top priorities ngayon ng Kapuso actress na si Heart Evangelista ay ang pagiging “First Lady” ng Sorsogon.
Matapos ngang manalo ang kanyang asawang si Chiz Escudero bilang governor ng Sorsogon nitong nakaraang midterm elections, naglalaan talaga ng panahon si Heart para matulungan ang asawa sa mga trabaho nito bilang ama ng Sorsogon.
Sinisiguro ng Kapuso star na nakakauwi siya sa nasabing probinsya kada buwan dahil nga marami ang naghahanap sa kanya roon bilang “First Lady” ni Gov. Chiz.
“That’s what they call me. I should put a lot of schedule in one day, so I can have free days. My goal is to at least go to Sorsogon if not once a week, every two weeks or twice a month.
“When Chiz was elected governor, it’s life-changing for us. It’s really an intimate relationship with the people. But I enjoy it. It’s just a matter of balancing my schedule,” pahayag pa ni Heart sa isang panayam.
Ayon sa misis ni Chiz, nag-eenjoy siya sa pakikisalamuha sa mga tao, lalo na sa mga taga-probinsya dahil napakarami rin niyang natututunan sa mga ito, “I’m a people person. I like going to places and meeting different people. It’s can be tiring but it excites me. In a way, it kind of cleanses your soul. I really enjoy it.”
Tungkol naman sa pagbubuntis uli, sinabi ni Heart na hindi sila nagmamadali ngayon ni Chiz na mag-baby matapos nga siyang makunan ng dalawang beses.
“When that happened, mysteriously, it was just such a shock. Now, so many good things are happening. So my husband and I decided that it’s important we really have to embrace what is now.
“So I’m going to really focus on what I need to do this year, especially since I signed a few things and it’s really impossible for me to get pregnant while I do certain things,” aniya pa.
Bukod sa pagiging “First Lady” ng Sorsogon, binabalanse rin ngayon ni Heart ang kanyang oras para sa kanyang showbiz career. Kamakailan ay nilagare niya ang shooting para sa kanyang first international action movie na kinunan pa sa China at ang pagiging judge sa StarStruck Season 7.