JANINE GUTIERREZ
Rambulan kung rambulan ang ganap sa GMA Afternoon Prime na Dragon Lady. Talagang sapakan, sabunutan at bugbugan ang nangyari sa nakaraang episode ng serye.
Hindi nagpatalo si Janine Gutierrez bilang si Scarlet sa mga kontrabida sa buhay niya na sina Astrid (Joyce Ching) at Vera (Maricar de Mesa). Laban kung laban si Scarlet sa tulong na rin ng BFF niyang si Calista (Aira Bermudez).
Siyempre, nagbunyi ang fans ni Janine dahil hindi siya pumayag na basta pagtulungan na lang nina Maricar at Joyce. Pero nang dahil sa pag-aaway-away nila, mukhang malalagay pa sa peligro ang lola ni Scarlet na si Philippa (Raquel Villavicencio).
At ano nga kaya ang gagawin ni Scarlet ngayong nahuli na ng mga pulis ang nanay niyang si Almira (Diana Zubiri)? At may happy ending pa ba ang loves story nila ni Michael (Tom Rodriguez)? ‘Yan ang dapat n’yong abangan sa pagpapatuloy ng Dragon Lady sa GMA 7 after Eat Bulaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.