DAWN AT MICHAEL V
ANO nga kaya ang mangyayari kung ang isang comic genius ay makipagsabwatan sa award-winning dramatic actress para sa isang hidden camera paandar ng The Boobay And Tekla Show?
Yan ang dapat n’yong abangan sa TBATS ngayong gabi as Michael V and Dawn Zulueta make a special appearance sa pinag-uusapan at kinatatakutang “Pranking in Tandem.”
Si Bitoy ang magbibigay ng instructions via a remote earpiece kay Dawn habang nagsasagawa ng make-up tutorial sa kanilang “biktima”. Ang tanong, nagtagumpay kaya ang mga bida sa pelikulang “Family History” sa kanilang plano? O, baka naman mabuking sila agad?
Sa bagong pasabog naman ng KMJS parody, Boobay and Tekla will play the role of a bad-looking millionaire couple who underwent plastic surgery to look exactly like their celebrity idols. In fairness, ikaka-shock n’yo ang magiging resulta ng operasyon.
Gaano naman kaya ka-familiar ang mga Pinoy sa mga sikat na gay words and phrases? Sa “TBATS on the Street” naman, tatanungin nina Boobay at Tekla ang isang grupo ng mga kalalakihan kung paano sabihin with tamang expression ang ilan sa mga nakakalokang gay lingo.
Love is in the air naman as Tekla gets a surprise visit yet again from her Azerbaijani suitor, si Marsin Dimitrov. This time kaya ay bumigay na si Tekla sa kakaibang charm ni Marsin?
Samantala, sa “Dear Boobay and Tekla” naman, the funtastic duo will continue to dish out hilarious advice to even more hilarious questions from viewers all over the country.
Kaya huwag na huwag aabsent ngayong Linggo ng gabi sa isa na namang pampa-good vibes episode ng The Boobay and Tekla Show pagkatapos ng Kapuso Mo, Jessica Soho sa GMA lang.