Wanted: Papalit kay James sa Pedro Penduko

HINDI lang pala sa “Darna” may pa-audition dahil pati ang gaganap bilang kapalit ni James Reid sa “Pedro Penduko” ay hahanapin na rin ng Viva Films.

Ito ang aksidenteng nasabi sa amin ng isang taga-Viva Films dahil wala pa silang napipisil kung sino ang gaganap na Pedro Penduko pagkatapos mag-resign ni James. Ang direktor na si Treb Montreras daw ang mamahala sa audition dahil siya rin ang sumulat ng script nito.

Kailangang kilalanin muna ng mga mag-o-audition kung sino si Pedro Penduko at paano siya naging Pinoy superhero.

Tanda namin ay si Matt Evans ang huling gumanap na Pedro Penduko sa TV series nito na Da Aventures of Pedro Penduko na ipinalabas sa ABS-CBN noong 2006.