MIGUEL TANFELIX
SIGURADONG ikagugulat ng mga manonood ang mga susunod na mangyayari sa GMA Telebabad series na Sahaya.
Matapos ang trending transformation ng karakter ni Sahaya (Bianca Umali) sa Kapuso primetime series, ang karakter naman ni Miguel Tanfelix na si Ahmad ang binago sa serye.
Mula sa pagiging simpleng Badjaw, naging mas astig at simpatiko ngayon si Ahmad na handa pa ring gawin ang lahat para kay Sahaya.
Aniya, nakikita niya ang sarili kay Ahmad dahil handa rin siyang gawin lahat para maabot ang kanyang mga pangarap.
Ani Miguel, “Nag-transform na si Ahmad dahil pinalad siya dahil sa agar-agar na matagal na niyang ginagawa dati.
Hindi niya alam na sobrang mahal pala dito sa Maynila kaya he saw an opportunity kaya ginrab niya iyon.”
Ngayong pareho nang nasa Maynila sina Ahmad at Sahaya, siguradong mas matitindi pang pagsubok ang haharapin nila.
Ang tanong, sino nga kaya kina Ahmad at Jordan (Migo Adecer) ang pipiliin ni Sahaya? ‘Yan at iba pang pasabog sa pagpapatuloy ng Sahaya sa GMA Telebabad after Kara Mia.