PATAY ang isang miyembro ng Partido Mangggagawa (PM) matapos pagbabarilin sa Tanza, Cavite, Linggo ng umaga.
Katatapos pa lamang ni Dennis Sequena ng seminar sa trade unionism nang pagbabarilin ng riding-in-tandem sa pagitan ng alas-10:30 ng umaga at alas-11:30 ng umaga sa Barangay Bunga.
Si Sequena ang pang-apat na partylist nominee ng PM noong nakaraang eleksyon.
Dinala si Sequena sa General Trias Maternity and Pediatric Hospital sa Cavite, bagamat nasawi habang ginagamot.
Sinabi ni PM chairperson Rene Magtubo na tinanong pa ng isa sa mga salarin ang isa sa mga manggagawa kung siya si Dennis.
Sumagot ang manggagawa at sinabing nagsasalita pa ang hinahanap nila sa loob ng daycare center sa workers’ ville facility ng PM.
Idinagdag ni Magtubo na hinintay pa ng mga suspek si Sequena na makatapos sa pagsasalita at makalabas bago barilin.
“It was an extra judicial killing. It was premeditated,” sabi ni Magtubo.