HALOS magkakasabay sina Jimmy Bondoc, Nyoy Volante at Paolo Santos sa mundo ng musika. Unang naging karelasyon ni Nina si Jimmy, sumunod si Nyoy, kaya lagi silang pinagkukumpara.
Tahimik lang si Paolo Santos. Si Nyoy naman ay biniyayaan ng magandang PR at mapagkumbaba ang singer. Maraming staff ng produksiyon ang nababaitan sa magaling na musikerong si Nyoy.
May kani-kanyang kuwento silang dalawa nu’ng makarelasyon nila si Nina. Nu’ng karelasyon pa ni Jimmy ang female singer ay bumili sila ng lupa sa Boracay.
Nu’ng mag-break na sila ay ibinenta ni Nina ang lote sa Boracay, nakarating siyempre kay Jimmy ang impormasyon, kaya hinahabol niya ang kanyang parte sa ibinentang lote.
Sabi ng aming source, “Naku, napakahigpit maningil ni Jimmy! Halos araw-araw niyang sinisingil si Nina! Katwiran niya, e, may pera siyang involved sa pagbili ng lote, kaya kailangan niyang makuha ‘yun!” sabi ng aming source.
Hindi naging maganda ang hiwalayan nila, hindi pabor ang pamilya ng dalaga kay Jimmy, may kaangasan daw kasi at masyadong maporma.
Ngayong paboritong upakan si Jimmy Bondoc sa social media, ngayong kaliwa’t kanan ang bira sa kanya ng mga empleyado at artista ng ABS-CBN, ano kaya ang naiisip ni Nina?