JIMMY BONDOC AT ANGEL LOCSIN
TRENDING sa Twitter kahapon ang hashtags na #Darna at #Jimmy Bondoc.
May kinalaman ito sa Facebook post ng singer-composer na si Jimmy Bondoc na sinagot naman ni Angel Locsin sa pamamagitan naman ng kanyang Twitter account.
Sa hashtag na #Jimmy Bondoc, may screen shot ng mahabang post ng singer kung saan pinatutsadahan nito ang isang “biggest network” pero walang binanggit kung ano’ng TV station ito.
Tinawag nga nitong “snake pit” ang istasyon at ang tagumpay daw nito ay, “based on politics and sexual favors.”
“I am so excited to see the biggest network close down. This company is a snake pit where success is based on politics and sexual favors. NOBODY dares to talk about it because either they benefit from it, or they would rather have them as enemies,” bahagi ng FB status ni Bondoc.
Inisa-isa rin ng singer ang ilang umano’y pangyayari kung paano na ang, “ART and CUTURE have been ruined by this network.” Ito ay may kaugnayan sa mga contest kung saan pre-determined na raw ang mga winner at minamanipula ng “hidden bosses.”
Pati nga news program ay nabanggit niya, “I AM EAGERLY WAITING YOUR DEMISE. This is not schadenfraude. This is hope. This is for real change. You have COUNTLESS VICTIMS, from sexual harassment to plain and simple bullying.”
Si Jimmy ay kasalukuyang Assistant Vice President for Entertainment ng Philippine Amusement and Gaming Corporation (PAGCOR).
Heto naman ang banat ni Angel na kahit walang binanggit na pangalan ay obvious namang patama sa mga pinagsasabi ni Jimmy Bondoc dahil ginamit pa niya ang ilang lyrics sa kanta ng singer.
“Let me be the one to break this news to you so you don’t have to make excuses. This network might not be perfect but for you to be happy about thousands of people losing their jobs is pure evil. Maybe you’re just having a bad day. I will pray for you,” aniya.
Sa mga nakaranas naman daw ng sexual harassment bago sumikat, “Nu’ng sumikat ka ba may na experience ka na sexual harassment? If yes I encourage you and all the victims to report this to the police. But generalizing that sexual favour is a prerequisite to success is just wrong.”