VIRAL na ngayon ang bagong paandar ng magkaibigang Ogie Alcasid at Janno Gibbs sa social media.
Maraming pinatawa at pinaligaya ang dalawang komedyante sa kanilang Game of Thrones spoof.
In time for the TV series finale, nag-post si Ogie sa kanyang Instagram account ng edited picture nila ni Janno bilang sina Tyrion Lannister at Jon Snow – ang dalawa sa pinakasikat na character sa GoT.
Sa pamamagitan ng classic Game of Thrones style, nakasulat sa photo ang mga katagang “Laughter Is Coming” na kuha sa premiere episode ng GoT na “Winter Is Coming” na ipinalabas noong April, 2011.
“Hope you enjoyed our finale!” ang maikling caption ni Ogie sa kanyang IG post.
Kahapon, ni-repost naman ni Janno ang nasabing litrato sa kanyang Instagram Stories.
Hindi lang ang mga IG followers nina Janno at Ogie ang nag-comment sa kanilang GoT spoof, maging ang mga kapwa nila celebrities ay tuwang-tuwa at aliw na aliw sa kabilang na sina Yeng Constantino, Angeline Quinto at Gary Valenciano.
Hindi rin nagpahuli ang asawa ni Ogie na si Asia’s Songbird Regine Velasquez sa Game of Thrones fever. Nag-post din ang singer-actress ng black and white version ng litrato ng asawa na tinawag niyang si Kilityrion Cannister at si Janno bilang si Janno Snow.
“So hindi pa ako naka move on kaya lang hindi ko alam kung sino ginagaya nya parang maliit na taong bayan lang,” pahayag ng Songbird.
Narito naman ang ilang comments ng netizens:
Galing kay @kuya_carlos, “Sana po mag ka sitcom kayo jan sa ABS yung parang Bubble Gang.”
Sey naman ni @artywalls_insta, “Hey Ogie, cute instagram feed! I see that you love art! Let’s collab. Msg main account @artywallsco and tell them we sent you!”
“Hahahaha!! Kuya naman eh kanina lungkot lungkot ko nag open lang ako IG bumungad na toh sakin! Kuya your the best thank u!” comment ni @jeanzeelhernandez_tsl.
Sabi naman ni @chinglo22, “Hehehe! Nakita ko pa lang ung pics natatawa na ko. All my love here from Europe!”
From @manuelate_1023 naman, “Tuloy tuloy lng po pag papa tawa hahaha @jannolategibbs @ogiealcasid mga idol sa comedy lalo na pag nag sama sama sila nila!”