ALDEN RICHARDS AT MAINE MENDOZA
Tuloy pa rin ang AlDub Nation sa pagtulong sa mga kabataang hindi kayang sustentuhan ang kanilang pag-aaral ng mga magulang.
Kahit hindi na napapanood ang AlDub sa TV at pelikula, tuloy pa rin ang mga loyal fans nina Alden Richards at Maine Mendoza sa kanilang mga nasimulang adbokasiya lalo na sa sektor ng edukasyon.
Very soon ay ihahayag na ng AlDub Nation ang bagong batch ng kanilang mga scholars.
Nabuo ang ADN scholars dahil sa AlDub loveteam nina Alden at Maine. Pero obviously, sa kabila ng pagkanya-kanya ng dalawang Eat Bulaga Dabarkads hindi pa rin nagpatinag ang mga loyal ADN members dahil tuloy pa rin ang kanilang mga charity works.
Hindi naman daw kasi co-terminous ang kanilang grupo sa paghihiwalay ng AlDub loveteam, huh! At hanggang ngayon ay hindi pa rin nawawala ang pag-asa nila na muling magkakasama ang kanilang mga idolo — sa tamang panahon.
At least, hindi ningas-kugon ang pagkakaroon ng ADN Scholars at talagang pinaninindigan nila ang kanilang ipinaglalaban na adbokasiya.
At tulad din ng palaging ipinagdarasal ng mga loyalistang members ng ADN, we also wish na sana’y magkaroon muli ng project together sina Alden at Maine kahit na may Arjo Atayde na ang Dubsmash Queen.
We also believe na marami pa ring nagmamahal sa AlDub loveteam base na rin sa patuloy na powers ng kanilang fandom sa social media. Siguradong magiging maligaya ang AlDub fans kung mabibigyan uli ng chance na magkabalikan on screen ang phenomenal loveteam.