TONI Gonzaga thought na magtatapos na ang sitcom niyang Home Sweetie Home.
But she was wrong dahil nadagdag pa sina Vhong Navarro, Alex Gonzaga, Bayani Agbayani, PBB Otso housemates Fumiya Sankai at Yamyam Gucong and Ms. Rio Locsin.
“Ganoon pa rin po ang role ko nu’ng nagsimula ang programa. Isa siyang responsableng babae. Gusto niya ‘yung pakiramdam na masaya at buo ang kanyang pamilya at kahit nasaktan, patuloy siyang umaasa, patuloy niyang itinataguyod ang sarili niya para sa anak niya, sa kanyang pamilya at hindi siya nawawalan ng hope na magkaroon ng isang sariling pamilya,” say ni Toni about her character Julie.
Ikinuwento ng TV host-actress how she was clueless sa extension ng show.
“Honestly, ako ang huling nakaalam sa lahat ng cast na dumating. ‘Yung last taping namin ay hindi ko pa alam na ‘yon na pala ‘yun. Parang nagulat ako. Kasi hindi ko alam kung everything was planned a month ago. Basta sinabi na lang na eto na ‘yung bagong look ng Home Sweetie Home.
“Actually, tinext pa ako ni Ms. Marvy na kakausapin niya ako. ‘Ah, eto na ‘yun. Ba-bye na. Tapos na, magpapaalam na kami. Tapos na ‘yung buong run ng programa.’
“Nang dumating siya and talked about kung ano ang mangyayari, nagulat ako. Hindi pa ako makapaniwala na makakasama ko si Alex. ‘Sigurado ba sila?’ inisip ko na siguro hindi maa-afford si Alex.’ Pero sabi approved na siya.
‘Talaga?’ Sinabi niya si Vhong, si Luis, si Kuya Yani (Bayani), si Ms. Rio.
“Nagulat ako, natuwa. Alam mo ‘yung na-excite ka kasi bagong mukha talaga ng programa,” she added.
Noong Sabado (Mayo 11), natunghayan ng mga manonood ang paglipat ni Julie sa kanyang Tita Oya (Rio) nang maupos ang bahay nito. Sakto naman na pumayag din si Tita Oya na tumuloy muna ang half-sister ni Julie na si Mikee (Alex) matapos makulong ang nanay nito.
Maliban sa kapatid, nagkaroon din siya ng bagong kaibigan sa katauhan nina Pip (Luis), Edwin (Bayani), at Ferdie (Vhong) pati na ang mga kasama nila sa baranggay na sina Hiro (Fumiya), isang exchange student, Bogs (Yamyam), isang tagabantay sa ‘pera padala’ na pagmamay-ari ni Kap Frank (Bobot Mortiz).