HEART EVANGELISTA
TANONG ng mga fans ni Heart Evangelista kung sa Sorsogon na siya maninirahan matapos manalong governor doon ang asawang si Chiz Escudero.
Titigil na rin ba siya sa pag-aartista para mag-focus bilang First Lady ng Sorsogon?
Sa comment section ng kayang Instagram account, sinabi ni Heart na hindi niya iiwan ang kanyang showbiz career, pero magiging active rin siya sa pagtulong sa mga proyekto ni Chiz.
“I think people will also appreciate the idea that I work for what I have, but I will for sure do everything I can to help my husband and help Sorsogon,” sagot ng Kapuso actress sa panayam ng GMA.
Pero aniya, nakikita niya ang sarili na naninirahan sa Sorsogon for good kapag nag-retire na siya sa showbiz.
“You know I don’t mind having a little house there. I really love goats and I really wish to have a shelter there for dogs.
“If things turn out the way we want, as much as I can, I really want to help out in the animals there. I don’t mind actually staying there. I really enjoy it there, super!” aniya pa.