Joy Belmonte bagong mayor ng Quezon City

SI Vice Mayor Joy Belmonte na ang susunod na Mayor ng Quezon City.

Iprinoklama si Belmonte, Martes ng umaga matapos maabot ng Quezon City Board of Canvassers ang 100% transmission rate ng mga election returns.

Base sa pinakahuling tally ng Quezon City Board of Canvassers,  nakakuha si Belmonte ng 469,480 boto.

Nakakuha naman ang katunggali ni Belmonte na si 1st Dist. Rep. Vincent “Bingbong” Crisologo ng 366,215 boto.

Kasabay ding iprinoklama ang running mate ni Belmonte na si Councilor Gian Sotto bilang Vice Mayor matapos makakuha ng 382,293 boto.  

Natalo ni Sotto si Jopet Sison na may 343,473 boto.