P132.6M jackpot ng Super Lotto mailap

By: Leifbilly Begas - 6 years ago

HINDI tinamaan ang P132.6 milyong jackpot prize ng Super Lotto 6/49 sa bola Martes ng gabi.

Walang tumaya sa winning number combination na 28-12-47-05-03-02, ayon sa Philippine Charity Sweepstakes Office.

Nanalo naman ng tig-P50,540 ang 20 mananaya na nakakuha ng limang numero.

Tig-P620 naman ang tinamaan ng 1,285 mananaya na nakakuha ng apat na numero at balik naman ang P24 taya ng 23,848 mananaya na nakatatlong numero.

Ang Super Lotto ay binobola tuwing Martes, Huwebes at Linggo.