WALANG tumama sa P118.5 milyong jackpot prize ng Super Lotto 6/49 sa bola Martes ng gabi.
Hindi tinamaan ang winning number combination na 13-41-35-25-04-29.
Sa Huwebes ay inaasahang aabot sa P122 milyon ang jackpot prize ng Super Lotto.
Nanalo naman ng tig-P49,430 ang 19 mananaya na nakakuha ng limang numero. Tig-P730 naman ang 1,017 mananaya na nakakuha ng apat na numero at balik ang P24 taya ng 17,393 mananaya na nakatatlong numero.
Mula noong Enero 31 ay wala pang tumatama sa jackpot prize ng Super Lotto.
Tatlong beses tinamaan ang jackpot prize nito ngayong taon. Una noong Enero 20 na nagkakahalaga ng P25.2 milyon, sumunod noong Enero 27 na nagkakahalaga ng P15.8 milyon at huli noong Enero 29 na nagkakahalaga ng P15.8 milyon.
MOST READ
LATEST STORIES