200 pamilya nawalan ng bahay sa sunog

TINATAYANG 200 pamilya ang nawalan ng bahay sa limang oras na sunog sa Quezon City noong Martes.

Nagsimula ang sunog alas-5 ng hapon sa Brgy. Bahay Toro. Mabilis na kumalat ang apoy dahil gawa sa combustible materials ang mga bahay sa lugar.

Nahirapan ding pumasok ang mga trak ng bumbero dahil sa masikip na daan.

Umabot sa 50 kabahayan ang natupok.

Inaalam pa ang sanhi ng sunog na naapula alas-10 ng gabi.