INIT na init na ang mga tagasubaybay ng GMA Afternoon Prime series na Dragon Lady sa mga susunod na kaganapan sa kuwento.
Atat na ang mga viewers na makita kung paano gagantihan ni Janine Gutierrez bilang Dragon Lady ang lahat ng mga taong umapi sa kanya pati na rin sa kanyang pamilya.
Ngayong nagbalik na si Yna minus her dragon look, unti-unti niyang pahihirapan sina Vera (Maricar de Mesa) at Astrid (Joyce Ching) na walang awang sumira sa kanyang buhay matapos siyang sunugin ng buhay.
Sa tulong ni Goldwyn (Edgar Allan Guzman), isa-isang reresbakan ni Yna ang mga taong may atraso sa kanya. Pero paano na si Michael (Tom Rodriguez)? Magkaroon pa kaya ng part 2 ang kanilang love story?
Tutukan lahat ‘yan sa Dragon Lady araw-araw after Eat Bulaga sa GMA 7. Ito’y sa direksyon ni Paul Sta. Ana.