Derek, Andrea mas pinainit ang summer, hot na hot sa Zambales

MAS pinainit pa nina Andrea Torres at Derek Ramsay ang summer sa naglabasang hot and sizzling photos nila sa social media.

Talagang nag-aapoy ang mga comments ng netizens nang makita nila ang Instagram photos ng dalawang Kapuso stars kung saan pareho silang nakahubad.

Kuha ang nasabing mga litrato sa shooting at pictorial nina Derek at Andrea sa Subic, Zambales para sa “GMA Summer Shows 2019: Basta’t Ka-Summer Kita.” Makikita sa isang litrato na nakayakap si Derek kay Andrea mula sa likuran nito.

Topless ang hunk actor habang naka-swimsuit naman si Andrea na halos mag-hello na ang malulusog nitong dibdib.

Magsasama ang dalawa na parehong palaban sa hubaran at maiinit na eksena, sa upcoming Kapuso series na The Better Woman.

Parehong nag-post sa kani-kanilang IG accounts sina Derek at Ramsay na pinusuan ng sandamakmak na netizens kabilang na ang mga kapwa nila celebrities.

Caption ni Derek sa kanyang post, “Looking forward to this project. Who has the better tan? Ok fine, panalo ka na @andreaetorres.”

Ito naman ang caption ni Andrea sa kanilang photo” “Have you seen the Summer Station ID? Hi there stranger. @ramsayderek07 Hahaha.”

Nagkakaisa naman ang kanilang followers sa pagsasabing ang tindi ng chemistry nila at talagang hot na hot.

Paano nga ba ilalarawan ni Derek si Andrea? “She’s a really cool, down to earth person, walang ka-ere-ere. She’s a big star but you don’t get that. Her feet are firmly on the ground and I like that, that’s why I felt comfortable to talk to her, joke around her.”